勝博殿日式炸豬排 (已結業)

放工黎到，雖然係晚市時間7點半，但唔使等位直入，正入坐起計90分鐘，如果叫套餐，飯同湯係可以無限添加，食飯都一定食到你飽呀！我地4丁友，叫左一個2人套餐$368，當中有炸豬排，炸豬柳，芝士炸蟹鉗同蝦餅，套餐跟2碗飯同湯。另外再叫左2份炸豬排套餐share食，因為呢度最出名係炸豬排，當然要試佢啦！坦白講，雖然員工堅持2人套餐同單人餐的豬都係用日本靚豬，但個人覺得2人套餐的豬排比較好食，因為豬排帶有少少肥肉， 食落唔會好韌，啖啖脆卜卜， 味道同口感都一流。反而兩個單人套餐豬扒太瘦，食落好硬又韌，完全唔推介。