影片
更多
2023-04-25
37 瀏覽
聽過Honbo個名好耐啦，知道佢哋嘅burger好好食，呢日經過海港城，終於有機會試下😋尖沙咀分店有海景睇，日頭黎就可以望下海chill下，不過我哋係夜晚8點幾食，出面太暗唔係好睇到海。好鍾意Honbo個藍白logo，簡單易明，好乾淨嘅感覺。店嘅環境都好舒適，卡位好闊落，又唔會好嘈，靜靜地嘆個burger好正！Dinner無set叫，睇完一輪決定叫兩個漢堡，加份薯條同一杯飲品share。🍔Honbo 1.5 $138呢度嘅signature burger，揀咗1.5有3塊2oz嘅牛肉同埋2塊芝士，覺得3塊牛肉份量啱啱好，有啖啖肉口感又唔會太多肉。麵包好厚身鬆軟，亦都好香麵粉味，牛肉雖然係薄身嘅，但好多肉汁，一邊食一邊流汁，加埋融化嘅芝士，真係好好食🤤🍔Cheese Burger $98基本嘅芝士漢堡，有一塊4oz嘅牛肉，一塊芝士同生菜。呢個配搭就清新少少，因為得一塊牛肉嘅熱力，芝士無咁融化，加埋爽口生菜，相對無咁易覺得膩。不過我個人鍾意Honbo 1.5多啲💛🍟Cheese Fries $58薯條份量都幾多，就咁睇以為得好少芝士醬，食食下發現個底有勁多芝士醬，每一條都會沾到醬食！薯條另
尖沙咀分店有海景睇，日頭黎就可以望下海chill下，不過我哋係夜晚8點幾食，出面太暗唔係好睇到海。
好鍾意Honbo個藍白logo，簡單易明，好乾淨嘅感覺。店嘅環境都好舒適，卡位好闊落，又唔會好嘈，靜靜地嘆個burger好正！
Dinner無set叫，睇完一輪決定叫兩個漢堡，加份薯條同一杯飲品share。
🍔Honbo 1.5 $138呢度嘅signature burger，揀咗1.5有3塊2oz嘅牛肉同埋2塊芝士，覺得3塊牛肉份量啱啱好，有啖啖肉口感又唔會太多肉。麵包好厚身鬆軟，亦都好香麵粉味，牛肉雖然係薄身嘅，但好多肉汁，一邊食一邊流汁，加埋融化嘅芝士，真係好好食🤤
🍔Cheese Burger $98基本嘅芝士漢堡，有一塊4oz嘅牛肉，一塊芝士同生菜。呢個配搭就清新少少，因為得一塊牛肉嘅熱力，芝士無咁融化，加埋爽口生菜，相對無咁易覺得膩。不過我個人鍾意Honbo 1.5多啲💛
🍟Cheese Fries $58薯條份量都幾多，就咁睇以為得好少芝士醬，食食下發現個底有勁多芝士醬，每一條都會沾到醬食！薯條另外有配埋一個辣醬，呢個醬好好食，辣辣地好惹味😋
🍹Apple Pie Iced Tea $40必叫呢杯飲品！個樣已經好打卡，有塊厚蘋果片同埋肉桂條，影相靚😂 呢杯iced tea仲好好飲，好fresh好特別，有少少肉桂味唔會太濃，又唔會好甜，推介！
呢餐加埋一每人都要$180，稍為貴咗啲！不過Honbo真係好好食，會再幫襯！下次嚟食lunch，有set平啲，又可以睇下海景😆
張貼
