牛極 (庇利金街) (已結業)

午餐之選，叫了steak menu的牛肩排180g（自己燒個時好得意地切得大舊中間冇咁熟個啲會比較韌，反而細舊啲會淋啲好食啲）、亂切牛排180g（冇試到、賣相不錯），同lunch menu的厚切牛舌（夠厚唔柴）、日式鰻魚（正常發揮）。自助區：醬料 - 自制醬油/芥末..辣醬（唔記得中間係咩）、白飯、牛肉湯 - 濃味、足料，有洋蔥、胡蘿蔔、白蘿蔔同牛肉粒）、沙律 - 今日係椰菜絲，都幾新鮮，配芝麻醬/柚子醋、檸檬水。全部都係熱石上，個石都好熱下，驚煮燶，冇影到相自助區的位置較窄，咁啱係出菜位，繁忙時間應該會出現阻塞。性價比高的一餐，4個人食左$315。地方唔算大，環境都幾企理，個姐姐見我係售賣機度影相就拎左餐牌比我地坐係度睇，亦可能我哋早去現場未多人，可以再食