朱敏記桑拿菜 (已結業)

之前LUNCH同同事食過朱敏記桑拿菜，印象唔錯，今晚帶埋屋企人黎試吓，大家都大讚，開開心心咁食咗個晚飯～人數唔多，叫咗酸菜魚、紅蔥頭雞、深海爽魚片，樣樣都份量十足，食到大家飽飽撐住個肚走～酸菜魚又酸又麻，真係拌飯一流既好選擇！湯頭集齊酸辣麻香於一身，湯汁好濃郁，魚肉入口滑溜啖啖肉，好有傳統四川風味！紅蔥頭雞第一次見呢道菜，即刻叫黎試試～上枱香氣十足，雞件嫩滑可口，搭配新鮮紅蔥頭，特別鮮香滋味。深海爽魚片爽魚片夠新鮮，入口香嫩爽滑，爽脆得黎好有咬口，仲好鮮甜添，全家都大讚！