九記打冷.小菜.粉麵 (已結業)

今日來到尖東漆咸道南，見到這間老字號的九記打冷，門口上的雞及鹵水鵝非常吸引，於是決定今晚食打冷。餐廳裝修企理舒適，見到連外國人都喜愛食打冷呢。例牌潮皇雞$88潮皇雞底下有一些芽菜，比較爽口。廚師掌控時間非常好，雞熟度剛剛好，雞骨骨髓還見到少少嫩紅，而雞肉就帶有沙薑味，非常嫩滑。鹵水掌翼$108打冷我最愛食的就是鹵水掌翼，餐廳的鹵水掌翼鹵得皮腍肉滑，肉質不會鞋，再配上餐廳辣度非常夠又香的辣椒油，非常美味。方魚肉碎蠔仔粥一碗$48蠔仔粥粥底鮮甜，蠔仔細細粒，但脹卜卜，又軟很嫩滑。豆豉鯪魚油麥菜$88豆豉鯪魚油麥菜炒得很香口，夠鑊氣，又爽口，不過覺得稍為淡味少少，如果咸少少就更好。清熱心丸綠豆爽$48綠豆已經去殼，綿中帶少少爽，甜度剛剛好，食完感覺清熱又消滯。