九記打冷.小菜.粉麵 (已結業)

澄海獅頭鵝飯：鵝肉好入味，愈食愈想食，肉質岩岩好，汁香味濃，花生香，豆腐滑，鹵得好好味👍🏻😁😆套餐包紫菜湯和飯或粥，好抵。$69另外，叫左小炒皇，好有獲氣，又野味，好足料，有韮菜，鮮魷，蝦🦐乾，魚乾，腰果，好大碟，正😄

Sogo Thankful week 一早出去掃貨，買足全日超級大豐收，買了差不多4大袋，還是去吃晚飯好了，真的太累太重了。潮州打冷真的有一段時間沒有吃過，老公話好想食滷水鵝片，一於滿足一下他吧。冰鎮鮑魚估唔到潮州小店有冰鎮鮑魚，鮑魚切片配上wasabi 豉油，鮑魚彈牙鮮甜，味道可口。白灼墨魚鬚墨魚鬚入口爽口鮮甜，鮮味十足，沾上芥末豉油，味道更加滋味。滷水鵝片滷水味香濃撲鼻，鵝片色澤均勻，鵝肉軟嫩可口，肉味濃厚，底層豆腐吸收了滷水汁，軟滑又美味。方魚肉碎粥粥底有濃濃胡椒香氣，方魚夠軟身，而且魚香味俱全，份量十足，搭上鵝片特別匹配。牛腩河本身已經差不多飽了一大半，但店內充斥住牛腩粉麵的香氣，越聞越想吃，牛腩肉味香濃，有咬口，河粉滑溜溜，不太厚身，湯底清甜可口，味道正宗，不錯喔！

朋友推薦過這間潮州菜，今日經過尖沙咀，終於可以試一試了，位置在巴士站旁邊，都算方便。 小炒王小炒王配料有蝦乾，醃製夠味，韭菜花爽口鮮嫩，腰果炒得香口，XO醬味濃，銀魚仔夠脆口，整碟小炒王鑊很夠鑊氣。椒鹽豆腐椒鹽豆腐即叫即炸，外層炸得香酥，但內層卻保留了豆腐的嫩滑。 外層的麵包糠不會太厚，酥香脆口， 和椒鹽配搭簡直是絕配。韭菜炒蜆肉很有潮州風味的一道菜，韭菜爽甜，蜆肉清新不帶腥，味道鮮味，佐飯一流。蠔仔粥 份量好大的一碗粥，熱辣辣，每口均有豬肉碎，而且很香方魚味和蠔仔味，很提鮮。蠔仔肥美，質感柔軟，清鮮甜美，和粥的味道很夾，夠飽肚。澄海獅頭鵝飯這個套餐配白飯加紫菜湯，鹵水鵝花生和豆腐， 鵝肉和豆腐鹵得夠入味，濃而不咸，鹵水鵝肉飽含汁水，入口肉質嫩滑，鵝肉香味溢滿口中，非常惹味。

今日行開尖沙咀睇結婚用品，行完之後覺得有D 肚餓嘅時候，見到呢間九記打冷小菜粉面嘅下午茶幾抵食，$36連埋野飲，幾抵食，所以就入左黎。入到黎係傳統嘅中式菜館格局，的確好有潮州打冷嘅感覺，岩晒一大班朋友黎把酒言歡。潮式魚蛋河$36，份量同平時食開嘅都差唔多，有魚蛋同魚片，魚片偏硬身，同平時食開嘅魚片質感唔同，而魚蛋就較為彈牙，我個人就比較鐘意魚蛋多D。牛雜河不過不失，呢個價錢性價比真係好高魚皮餃同鮮蝦雲吞，雲吞入面有大大隻蝦，蝦肉都幾彈牙，個人非常推介。干炒牛河炒得還好，夠晒鑊氣。

離開歷史博物館已是四時了，正商量找地方吃過早晚飯，突然下雨了，只得在附近隨便找間店舖坐下避避雨罷， 湊巧在行人天橋上看到九記打冷，決定探訪， 還記得有優惠套餐，決定如下：～鹵水鵝餐配白飯， 肉質細嫩，肉味濃郁，有嚼感；例湯以青紅蘿蔔南北杏瘦肉湯，真是清熱去濕， 潤肺止咳。～即叫即蒸咸魚蒸肉餅飯，送例湯，熱騰騰的一碟餸，很有家的感覺，肉質鬆軟有彈性令人胃口大增；越吃越開胃，另追加了～魚三寶湯： 魚皮餃肉與餡很滋味，不會肥膩，有嚼感 丶墨魚丸和魚蛋兩者都味道鮮美，入口爽滑彈牙，口感豐富。真的吃過不停，再加追魚皮餃河粉，回憶當年的味道，感覺非常良好 ，九記仍能保持其水準，真的了不起呀😋😋🤗🤗

位於尖沙咀漆咸道南的九記打冷，唔知道的人會以為他是一間普通的茶餐廳，但事實上九記是一間連明星都會經常光顧的潮州打冷餐廳，而本人就親身遇到電視台的藝人在九記出現。講返食物，潮州打冷必然要點的當然是炸號餅，呢度嘅豪餅非常足料，大大隻蠔仔肉，濃郁的蛋漿，而炸粉不會太多太厚，醬料亦不會太鹹太濃咪味，非常啱我的口味。食潮州菜另一款必食的煮食當然是蠔仔粥，但今次我們就選擇了另一款菜式方魚肉碎粥，大量的豬肉碎和方魚碎令到粥底非常鮮甜，比起經典的蠔仔粥又是另一番風味。另外由於天氣漸涼，忍不住叫了一款薑蔥魚腩煲來暖暖胃，令人驚喜的是居然一整煲都是魚腩，數起來有10來塊，非常抵食。最後還有澄海獅頭鵝套餐，拼盤有澄海獅頭鵝和滷水豆腐花生，配上紫菜湯和油飯，滷水鵝件非常有咬口，是一道極具潮州特色的菜。

之前嚟過食打冷，都知呢間野質素唔錯，今次食午餐，估唔到質素都幾好喎！好想食炒河粉，所以叫咗豉椒新鮮排骨炒河，炒河最緊要有鑊氣，賣相一流，即叫即炒，熱辣辣非常新鮮！河粉偏幼身，唔會出現痴埋一嚿嚿嘅情況，河粉索晒豆豉醬汁，夠晒濃郁， 加埋洋蔥同青椒，十分惹味。排骨份量夠多，啲肉果然係新鮮，唔會太鞋，醃得非常入味！至於朋友就大讚汕頭沙薑雞套餐十分抵食，$58又有雞又有滷水豆腐又有滷水蛋！雞件份量都好多，件件都啖啖肉，肉質嫩滑，即使係雞胸肉都唔會鞋口。雖然侍應有俾薑蔥油，但其實唔使沾都得，因為雞件已經有沙薑香味，配埋一口熱辣辣嘅雞汁蒸香飯，真係好滿足！我哋仲嗌左一碟淨牛雜，一上枱已經聞到五香汁嘅香氣，牛雜款式同份量都好多，有生菜墊底，一食就知個湯底好足料，味道調校得啱啱好，我最鍾意係食牛肚，煮得好腍好入味，入口即溶！

澄海師頭鵝套餐，鵝肉幾新鮮，唔算多肥膏，肉量多，而且入味好食！唔錯唔錯套餐配埋例湯，只係$60左右，性價比高除咗澄海師頭鵝套餐外，仲叫咗個蓮藕炆豬手套餐，但係唔記得咗影相😅 個蓮藕炆豬手好入味，蓮藕炆到軟硬適中價錢都係60左右，喺尖沙咀來講都算係一個好抵食嘅午餐！落單嘅時候，姐姐介紹咗佢自己嘅至愛芥末八爪魚，佢話係強烈推介，唔食會後悔！咁我哋就聽吓介紹，叫返一碟啦八爪魚係用白灼嘅方式煮，但係因為本身八爪魚好新鮮，所以有啖啖的鮮味，配以醬油同埋芥辣，令到八爪魚嘅鮮味更加突出，係一種幾好食嘅配搭，簡單得來又食得出食材嘅原汁原味！值得一試

屯馬線開通到紅磡及尖東站，現在從宋皇臺站可以直接乘地鐵到尖東站，所以约了朋友去尖東九記打冷試試。位置是在尖東地鐵站P2出口附近，步行5分鐘就到，交通十分方便。一進去我們做足防疫步驟，之後就點了幾樣我喜歡的打冷菜。望望隔離枱，這裡也是娛樂圈的名星飯堂，還見了幾個拍電影的藝人。花生鹹菜（小碟）前菜是一小碟花生配上咸菜， 鹹菜係潮州店必定前菜，也是我至愛，吃落十分開胃。鵝片出街食飯唔係好多地方有得食，去潮州店就梗係要食啦， 鹵水鵝片鹵得入味，特點是不肥，吃落十分滋味。(雙拼）墨魚大腸墨魚拼大腸，墨魚新鮮，食落爽口煙韌，大腸煮得剛剛好，洗得乾淨，沒有肥糕黏著，十分好味。蠔餅蠔餅煎得非常金黄，蠔很大又肥美，非常新鮮，吃起來回味無窮。方魚肉碎粥（碗）方魚加肉碎的粥，潮州式粥，米水份量剛好，香濃魚味，配合肉碎。整體而言，這環境舒適，交通便利，在科學館對面，中國潮州菜式，價錢合宜，味道不錯，我們约了不久的將來再次光顧。

尖沙咀匯聚不同文化美食，而潮州菜打冷卻比較少見，所以經過九記打冷時，便和朋友進去吃晚餐😋餐廳服務良好，主動熱誠令人有親切感，很快便招待我們上座及遞上餐牌。這間餐廳如其名，打冷、小菜、粉麵都有十分多的選擇，有一些特色菜更是坊間少見的，我和朋友最後選擇了幾款打冷、小菜和潮州糖水。我常常認為來到打冷菜館，一定要點蠔仔粥，或許是因為蠔仔粥對食材有要求，蠔仔不新鮮，便是一碗差的蠔仔粥，而九記的蠔仔粥很出色👍🏻蠔仔顆顆飽滿分明，新鮮鮮甜無沙，配上灑了胡椒的湯飯，無疑是一碗美味又可口的蠔仔粥，配料也毫不吝嗇，令口感更有層次。這裏的煲仔和小菜也很有水準，我和朋友其實都已經去過不同的打冷和小菜餐廳，而這裏的小菜和打冷水準是我們去過的當中數一數二的。我們點了西蘭花鮮魷、椒鹽九肚魚和咸豬骨浸娃娃菜，當品嘗每道菜的第一口，我和朋友都會不約而同地大讚好吃。西蘭花鮮魷炒得剛剛好，有鑊氣，西蘭花悉心處理過，所以沒有草青味，咬下去爽脆得來又不會過硬，吃得出來西蘭花和魷魚都很新鮮，西蘭花的蔬菜甜味和魷魚的海鮮鮮甜味真是絕配，九記的食材很高質素，大廚也很有功架，才能烹製一道道食材新鮮，味道又好的菜式。椒鹽九肚魚我和朋友吃

消費卷效應，當然放工要消費一下😬放工和同事要飲返杯relax下，公司附近見這家九記打冷粉麵 食物選擇多，仲好有氣氛裝修簡簡單單，有專人係打冷粉麵位，好多打冷潮菜，實在的做菜🤗坐低即來支大啤，配滷水鵝片就絕配🤫🤫7點未夠已經full house,睇得出好多都係熟客鵝片甘香，鵝油好香，而且份量多，還墊住大量滷豆腐😋😋蠔仔粥也是必食，$48超大碗，足夠2-3人，蠔仔新鮮飽滿，配上潮式咸菜，家鄉的味道👍韭菜豬紅$68，也是滿滿一碗，松化不實，煮得入味😝😝滷水鵝餐$68超抵食，一小碟滷鵝配豆腐，有飯有湯，加$9有飲品人頭$200食到捧住個肚走，值得回顧，有正宗有氣氛👍

潮州菜除咗九龍城出名之外，尖沙咀這間亦很受歡迎，皆因平靚正聞名潮州菜館內裡多數以圓枱為主，座位很闊落餐牌多選擇，有小炒，潮州菜等，亦有抵食套餐選擇澄海獅頭鵝飯套餐差不多每枱必點既套餐，滷水鵝出色，香濃滷水味滲入鵝肉，惹味冰鎮鮑魚每隻$38大隻鮑魚切片，鮑魚用上花雕酒浸過夜，十分入味又鮮甜，必食蠔仔粥 $48/碗大大碗足夠2-3人份量，抵食又好味小菜，鹹肉炒韭菜花打冷小菜當然要飲啤酒爽一下啦飲飽食醉，埋單都只係每位$200, 抵呀！

荼記都有冰鎮鮑魚食！？我今日路過尖沙咀潻咸道先知，咁就入去試下啦！原隻鮑魚切片上，再配以日本芥末，鮑魚唔韌入口爽，$38一隻無加一。看看餐牌，小食選擇都成20多款。我們選擇了5種，包括：炸魚皮，附上湯。食落唔鹹、脆口。紅油炒手，辣汁好X辣，啱哂我哋。紫菜魚皮餃。雲耳蓮片，最好味是南乳汁，藕片爽口。鹹菜炆大腸腩肉，主角是大腸，有腸頭、腸身，腩肉幾片肥瘦均勻。菜心，切段灼起綠悠悠幾新鮮。凍柠茶用碎冰，好有茶記FEEL。蠔仔粥$48 好X大碗，勁多蠔仔，脹卜卜入口即爆好爽，粥底軟綿食埋好飽肚。總結：女伴話這餐好啱佢，小食細細碟可以食多幾款，又無殿粉質，可以盡情食唔怕肥！(利申：蠔仔粥係我食晒的)

九記打冷.小菜.粉麵📍原來尖沙咀有打冷鋪㗎噃。而且位置十分方便，就係百樂酒店附近，霸王山莊隔離。午市都一樣可以嘆到滷水鵝！餐廳行茶餐廳路線，除咗打冷小菜外，粉麵、打邊爐、雞煲羊腩煲咩都有齊。總有一款啱你食！今日菜單買單大約$1050-，價錢唔算貴。不過味道就一般般。主要係滷水汁唔係咁香濃，所以就爭少少🤏鵝片🙆🏻‍♀️多肉，但略嫌豆腐切得太細大眼雞🙆🏻‍♀️冇乜特別，就係魚一條，價錢$180-略嫌細少少煎蠔餅🙆🏻‍♀️我食慣咗元朗啲蠔餅，我唔要炸，我想要慢煎。粉唔算多，但蠔仔比較細小。蠔仔粥🙅🏻‍♀️蠔仔蠔仔，真係未算大隻脹卜卜。配料少，唔夠香！韮菜豬紅🙆🏻‍♀️豬紅未煮到好彈牙滷水拼盤🙅🏻‍♀️唔重滷水味，輕怡豬油渣炒番薯苗🙆🏻‍♀️冇乜特別，就係菜一碟

同朋友喺尖沙咀 想食潮州菜就去咗食九記打冷粉麵食物選擇好多黎得食潮州菜 就梗係要食滷水鵝啦同朋友叫咗一份滷水鵝片鵝肉全部去晒骨食得好方便鵝肉滷得好入味鹹甜適中鵝肉有油香之餘亦都唔韌正👍🏻之後我哋仲叫咗一碗蠔仔粥一碗嘅份量已經好多適合兩個人share蠔仔嘅份量一啲都唔吝嗇每一啖都可以食到蠔仔😋之後我哋叫咗一份黃金鮮魷魚鹹蛋黃炒得好香而且魷魚一啲都唔厚粉十分下飯最後我哋仲叫多咗一個雜菜煲兩個人食咗四碟野真係飽到抱住個肚走啊下次想食潮州菜都會再嚟食😋