友利冰室 x 勿當奴 (D2 Place TWO) (已結業)

小店一開即刻狗衝去，實在太多人排隊所以要買外賣，都係果句大家要堂食嘅就早啲去！本來想食威靈頓牛柳配黑椒汁賣晒🙄好啦朕再揀，乳豬卡邦尼意粉又賣晒🙄向好過方面諗有生意係值得高興，最後叫咗一個西二人餐再加兩個飯。叉燒煎日本蛋飯叉燒煎日本蛋飯，啲叉燒半肥瘦好大嚿軟淋淋嘅肉冇蘇味唔錯。日本蛋好大隻鋪喺上邊保守估計應該至少用咗兩隻蛋，一切落去係流心嘅蛋黃撈埋啲飯好好食！不過個飯個底好油食到底頂唔緊冇食到菠蘿海鮮炒飯，朕認為係最麻麻哋嘅，個飯冇咩鑊氣亦都冇咩味似係就咁加啲菠蘿落飯度。呢個可以有更多進步嘅空間。嚟到西式二人餐，斧頭豬扒配蘋果蓉黑醋醬，個斧頭扒好大塊個厚度都有返咁上下。係有腌過有味嘅唔係就咁食個無味煎豬扒再加蘋果蓉黑醋醬，個人應為係最好食嘅！之後食燒蝦頭黑松露大蝦天使麵，一揭起個蓋陣陣香噴噴嘅黑松露味就漂出嚟！食每一啖都有黑松露仲有兩隻大蝦加蝦頭，炸過嘅蝦少少咸多多趣，個蝦頭好好食不過膽固醇過高唔敢食曬。佢應該唔係用天使麵其實係意粉先啱。新開張係一間值得支持嘅小店可以試吓佢啲勿當勞餐個餐牌好好笑！