Whisk Factory

營業中

休息中

食完壽司郎行過，見到宣傳緊朱古力芒果雪條，因為$22唔算貴，所以買咗嚟試吓。雖然好飽，但因為甜品係另一個胃，所以先食得落 (好在有買)。芒果同朱古力好夾，佢哋唔係用芒果味雪糕，而係半個芒果果肉，面頭有層脆皮朱古力，再加nuts。另外感謝店長推介，本身我諗住拎條雪條返屋企慢慢食，但佢解釋我知雪條係佢哋handmade，所以冇包裝，會比隻杯我哋拎住食。所以即使我哋趕住返屋企，要喺條街度一路行一路食，我哋都願意一試，因為handmade實在太有誠意！冇諗過行行吓會買到呢條令人驚喜嘅雪條！期待再試吓呢間Cafe嘅其他飲品同食物！