Chatterbox Express

營業中

休息中

今日我同同事收工，因為收得晏，所以你喺太古城呢一間餐廳度食晚飯， 咁其實呢一間餐廳專係食新加坡菜， 因為好耐未食過新加坡餐所以點都要試下 。咁我同同事叫咗以下食品：文華海南雞飯: 咁呢一個海南雞飯我覺得個油飯幾好食，唔算太油但係個味道都幾香，嗰隻海南雞隻雞都幾滑，因為我叫咗雞髀食另外點埋佢啲汁嘅話，我覺得可以話幾夾。咖哩雞煲配白飯: 咁呢一個咖哩飯係我同事叫嘅，咁其實我試咗一隻雞同少少咖哩汁，感覺上雞都幾滑，而且佢個咖哩汁亦都幾香濃，佢嗰啲咖哩唔係日本嗰隻咖哩味而係比較 新加坡或者港式咖哩嘅味道，所以我覺得係香港人嘅話係可以接受到呢種咖哩味嘅，感覺唔錯。最後我同同事飲埋杯凍奶茶食埋個椰子雪糕 就閃人了， 其實呢間餐廳我覺得海南雞飯幾好食， 行過呢頭嘅朋友，大家可以試下。