影片
更多
2019-02-28
697 瀏覽
藝人踩過界開餐廳，已經唔係新聞，La Mer Restaurant & Lounge係其中一間，對佢地嘅出品都有略有所聞，因為都有唔少人推薦過佢地嘅下午茶，價錢實惠。不過今日就同另一半黎係晚飯，睇睇質素如何餐廳位於尖沙咀中國保險大廈，我地收工由K11行過黎都好快，仲比原定訂座時間早左，幸好係平日，餐廳客人唔多，店員都好快安排左位置俾我地。餐廳地方闊落，裝潢有格調，帶點復古元素，以藍色作為主調，配合店名"La Mer" -海洋嘅意思。座位間有適當空間，唔會太逼狹，環境舒適。近門口位置應該可間房，當晚有人使用。餐牌選擇頗多，前菜例如牛肉他他、煎鵝肝、焗田螺等，另有沙律、湯，主菜有牛肋肉、油鴨肶、黑毛豬鞍、銀鱈魚、羊架等，意粉、意大利飯配搭都多，價格中上。晚市設套餐，定價$348起，包括前菜一份、主菜一份及甜品，非常豐富。麵包、吞拿魚奇異果沙沙法包暖暖地上枱，外層偏硬身，包身較鬆，搽上唧喺小碟嘅牛油，不錯吃。吞拿魚奇異果沙沙精緻，清新開胃。前菜：凱撒沙律配煙三文魚、溫泉蛋套餐前菜8選1，有湯、青口、沙律，另可加錢升級海鮮類。原本想點選焗田螺，不過售罄，於是退而求其次，揀左凱撒沙律，沙律菜大路
餐廳位於尖沙咀中國保險大廈，我地收工由K11行過黎都好快，仲比原定訂座時間早左，幸好係平日，餐廳客人唔多，店員都好快安排左位置俾我地。餐廳地方闊落，裝潢有格調，帶點復古元素，以藍色作為主調，配合店名"La Mer" -海洋嘅意思。座位間有適當空間，唔會太逼狹，環境舒適。近門口位置應該可間房，當晚有人使用。
餐牌選擇頗多，前菜例如牛肉他他、煎鵝肝、焗田螺等，另有沙律、湯，主菜有牛肋肉、油鴨肶、黑毛豬鞍、銀鱈魚、羊架等，意粉、意大利飯配搭都多，價格中上。晚市設套餐，定價$348起，包括前菜一份、主菜一份及甜品，非常豐富。
麵包、吞拿魚奇異果沙沙法包暖暖地上枱，外層偏硬身，包身較鬆，搽上唧喺小碟嘅牛油，不錯吃。吞拿魚奇異果沙沙精緻，清新開胃。
前菜：凱撒沙律配煙三文魚、溫泉蛋套餐前菜8選1，有湯、青口、沙律，另可加錢升級海鮮類。原本想點選焗田螺，不過售罄，於是退而求其次，揀左凱撒沙律，沙律菜大路款式，配上時間拿捏剛好嘅流心蛋，煙三文魚味道唔算明顯，比較清淡。
凱撒沙律配煙三文魚、溫泉蛋
16 瀏覽
0 讚好
0 留言
主菜方面同樣8選1，有意粉、意大利飯、燒雞等，另可加錢升級扒類，講到最吸引一定係澳洲M5和牛西冷，不過要加$198，考慮到性價比，我都係點選左平啲嘅殼飼肉眼。幸好都冇失望啫，質素唔錯啊。
30天風乾熟成澳洲殼飼肉眼
23 瀏覽
1 讚好
0 留言
蒜辣龍蝦汁藍青口扁意粉 $208單點一份意粉，店員細心有問及要辣定唔辣。青口BB軟腍飽滿，意粉份量頗多，軟硬適中，幾彈牙唔會軟坨坨均勻沾滿龍蝦汁，帶好微微辣，幾惹味，蒜香同樣重手左，我地覺得偏鹹啲，有點可惜。
蒜辣龍蝦汁藍青口扁意粉
$208
22 瀏覽
0 讚好
0 留言
套餐跟甜品一客，幾精美。拿破崙水準中規中矩，畢竟自己食過啲更加啱口味的。
經典法式拿破崙
24 瀏覽
0 讚好
0 留言
張貼
