梨花苑韓國料理 (已結業)

鋪頭座位比較多，午市1點前應該都唔使等位。裝修非常韓國本土嘅風格。之前過來吃Dinner人均大概180+，食晏有午市套餐比較實惠。餐前小菜都好豐富，兩個人有6碟，不過味道普通。泡菜比較“生”比較酸，我個人唔鐘意；豆腐有D鹹；醃蘿蔔酸酸甜甜幾好食。#炆牛肋骨，$115+10%好食。哩道餸只要醬汁底唔會太鹹太甜通常都唔差，哩到確實口味唔錯，湯汁淋飯都唔會太鹹。份湯有4塊骨、大香菇同紅、白蘿蔔各1塊，套餐包1碗白飯1碗湯，份量正常人都足夠。#海鮮豆腐湯，$90+10%成碗都係豆腐，睇比例應該叫海鮮汁唔係海鮮湯...不過要注意哩個湯有好多蒜頭碎！同一般唔會落蒜嘅豆腐湯唔同...蒜香lover可以一試，但同我一樣驚蒜頭味嘅朋友千奇唔好點！餐後會送幾片橙，小加分。