立体派拉麵 (棉登徑) (已結業)

係尖沙咀棉登徑呢間立体派，門口都有啲隱世既感覺，小心唔好行過龍。今次已經係我第二次食，之前食過中環嗰間，好有水準的拉麵，值得我再次幫襯☺️選擇唔算好多，不過拉麵店貴精不貴多😎今晚收工夜左，同朋友都好肚餓，叫多啲嘢食先😂超旺場夜晚8:30入座，坐低都keep住有人入嚟。特級白湯（大）⭐️⭐️⭐️⭐️⭐️嘩，上菜一刻係呆左！大碗到呆左🤣雞白湯，好鮮甜，我食晒成碗飲咗勁多湯都唔口渴，應該係用咗好天然嘅材料，而且冇加味精！一問店員，原來係用咗雞骨，雞腳，雞肉熬製超過八個鐘，所以先會咁香濃。🤤差唔多飲晒成碗湯好飽好飽🤣鯖魚湯香菇野菜海蝦拉麵⭐️⭐️⭐️⭐️鯖魚湯好濃郁，不過好清，唔會好肥膩，餐牌有隻辣椒，食落又唔係好辣，有好多野菜，中和返濃郁嘅湯底。海蝦勁鮮甜，好爽口嘅蝦肉，有少少酒味，好特別。名古屋風雞翼⭐️⭐️⭐️⭐️⭐️真心推薦呢個！！超好食嘅雞翼😍佢啲醬汁甜甜地，勁入味，超juicy，雞皮仲要有少少脆，上面有啲芝麻同埋香料，勁香口！香炸雞軟骨餃子🥟⭐️⭐️⭐️⭐️第一次食呢一個餃子，其他餐廳比較少見，應該係自製嘅，唔似嗰啲急凍餃子，中間咬落去真係有一粒粒雞軟骨㗎！加埋蛋黃醬食都唔錯😋最後配埋波子汽水，日本既感覺返晒黎😍好爽！