影片
更多
2019-03-13
139 瀏覽
第一次食呢間灣仔的中茶小炒。餐廳環境裝修簡單整潔，樓梯中間仲有啲特色擺設。餐廳分上下兩層，老闆安排我地坐上層，比樓下靜啲。攞餐牌一睇，其實選擇相當多，仲有啲多人餐可以揀。我地兩個人嗌佐三個餸，分別係砵酒焗蠔、腐乳通菜炒鮮魷、同埋士多啤利香蒜骨。首先係炒菜上先，食落都算夠火喉，腐乳味唔算濃，反而辣味好出，夠惹味。鮮魷幾爽口。第二道士多啤梨香蒜骨，排骨炸得好鬆脆 ，粉唔厚。個汁好似生炒骨個啲，但無咁酸，有啲士多啤梨甜味。加埋菠蘿同洋蔥酸酸甜甜，配飯食非常開胃。最後係砵酒焗蠔。一煲四隻，好大隻，堅係美國桶蠔。蠔面沾佐啲脆漿再焗，所以食落有兩層口感，蠔身相當嫩滑，薑葱味配搭得啱啱好。如果砵酒味再濃啲就好。個人認為值得推介。仲有要讚一讚杯凍奶茶，茶味夠濃有水準。整體餸菜份量足，味道夠，價錢相宜，中上水平。老闆娘也很熱情有禮！～
攞餐牌一睇，其實選擇相當多，仲有啲多人餐可以揀。我地兩個人嗌佐三個餸，分別係砵酒焗蠔、腐乳通菜炒鮮魷、同埋士多啤利香蒜骨。
首先係炒菜上先，食落都算夠火喉，腐乳味唔算濃，反而辣味好出，夠惹味。鮮魷幾爽口。
第二道士多啤梨香蒜骨，排骨炸得好鬆脆 ，粉唔厚。個汁好似生炒骨個啲，但無咁酸，有啲士多啤梨甜味。加埋菠蘿同洋蔥酸酸甜甜，配飯食非常開胃。
最後係砵酒焗蠔。一煲四隻，好大隻，堅係美國桶蠔。蠔面沾佐啲脆漿再焗，所以食落有兩層口感，蠔身相當嫩滑，薑葱味配搭得啱啱好。如果砵酒味再濃啲就好。個人認為值得推介。
仲有要讚一讚杯凍奶茶，茶味夠濃有水準。整體餸菜份量足，味道夠，價錢相宜，中上水平。老闆娘也很熱情有禮！～
張貼
