花月宮 (已結業)

呢幾日天氣驟降，一於食打邊爐暖暖胃，呢間花月宮我好鍾意食，因為佢食材新鮮，同任食邊爐的食材明顯有分別。提提大家醬芥會收費，每人$18。花月宮特色四格鍋$268一次過享用麻辣、花膠醉雞、黑松露野菌、番茄海鮮四款湯底；我同友人最鍾意花膠醉雞湯底，一上台聞到酒香味，湯底用雞、當歸、川芎、白芷及黨參等藥材熬製，一入口只有淡淡藥材味、酒味及雞湯鮮甜味。雞件有大約10件，酒香都幾出，真係心都暖。風花雪月餃子拼盤$168木架擺盤勁靚勁吸睛，共有12粒，分別有羊肉餃、雲吞、魚皮餃、韭菜餃、水餃🥟共六隻味，食得出係手工製，而且好大粒好足料！新鮮豬頸肉$58擺盤成個玫瑰花咁好靚，而且好大塊好厚身，咬落爽彈煙韌，十分鮮嫩，呢個我好推薦！新鮮豬粉腸$58好少打邊爐有得叫豬粉腸，食落完全冇臭味, 每條好飽滿好大條。脆鯇片$68非常新鮮，淥熟後依然保持到爽脆，呢個必點。最後再叫左稻庭烏冬$28同唐生菜$38。