影片
更多
2021-05-07
301 瀏覽
媽媽一向鍾意素食，母親節一於帶佢去品嘗西餐素食慶祝下。上網睇左好多食評，最後揀左素年。甫到餐廳有好多食客，我地訂左位，但因為早到左，所以都係要等陣。等待期間聽到有人想walk in 至少要等一個鐘。冇諗過平日都咁滿坐，建議有興趣的話，要提早訂位。餐廳行文青風，感覺好休閒，我地有幸坐係大枱自成一角葡式紫薯芋頭片意粉 ($88)紫薯芋頭片切到好薄，以為會好酥脆，但非也，可能俾蒸氣蒸軟左，口感麻麻地，但味道仍然係唔錯既，係天然芋頭香。意粉以葡汁煮成，味道與「合味道」咖喱味杯麵好似，不過係唔辣版。廚師放左唔少蟹爪菇，增加左口感層次。媽媽最鍾意呢款，話個汁完全唔辣，但又有點咖喱香味。芫茜意大利飯 ($88)意大利飯鋪滿芫茜，聞落芫茜味好重，香氣撲鼻，但入口味道又唔係好濃，仲有點奶味，味道唔錯，芫茜控可試！冬蔭意大利飯 ($88)賣相平平無奇，但味道相當唔錯，同冬蔭公湯味道好相似，酸酸辣辣，好開胃。意大利飯粒粒分明，好有咬口，醬汁裹住每一粒飯，一啖接一啖好快清碟。推薦！麻辣青醬墨西哥薄餅 ($128)賣相感覺好健康，厚厚一層火箭菜，苦苦甘甘。餅底由2層墨西哥薄餅組成，每層薄薄一片，口感小小脆得黎偏
甫到餐廳有好多食客，我地訂左位，但因為早到左，所以都係要等陣。
等待期間聽到有人想walk in 至少要等一個鐘。
冇諗過平日都咁滿坐，建議有興趣的話，要提早訂位。
餐廳行文青風，感覺好休閒，我地有幸坐係大枱自成一角
葡式紫薯芋頭片意粉
22 瀏覽
0 讚好
0 留言
葡式紫薯芋頭片意粉 ($88)
紫薯芋頭片切到好薄，以為會好酥脆，但非也，可能俾蒸氣蒸軟左，口感麻麻地，但味道仍然係唔錯既，係天然芋頭香。
意粉以葡汁煮成，味道與「合味道」咖喱味杯麵好似，不過係唔辣版。廚師放左唔少蟹爪菇，增加左口感層次。
媽媽最鍾意呢款，話個汁完全唔辣，但又有點咖喱香味。
芫茜意大利飯
33 瀏覽
2 讚好
0 留言
芫茜意大利飯 ($88)
意大利飯鋪滿芫茜，聞落芫茜味好重，香氣撲鼻，但入口味道又唔係好濃，仲有點奶味，味道唔錯，芫茜控可試！
冬蔭意大利飯
13 瀏覽
0 讚好
0 留言
冬蔭意大利飯 ($88)
賣相平平無奇，但味道相當唔錯，同冬蔭公湯味道好相似，酸酸辣辣，好開胃。
意大利飯粒粒分明，好有咬口，醬汁裹住每一粒飯，一啖接一啖好快清碟。推薦！
麻辣青醬墨西哥薄餅
16 瀏覽
0 讚好
0 留言
麻辣青醬墨西哥薄餅 ($128)
賣相感覺好健康，厚厚一層火箭菜，苦苦甘甘。
餅底由2層墨西哥薄餅組成，每層薄薄一片，口感小小脆得黎偏硬，普通。
麻辣青醬麻味頗重，個咀越食越痺，辣味相對冇咁突出，整體一般。
薄餅上枱時已經好貼心咁分左4份，唔洗自己郁手
香芋蕃薯波波
17 瀏覽
0 讚好
0 留言
香芋蕃薯波波 ($48)
蕃薯波波外脆內軟，外層酥酥脆脆，內裡係糯米糍皮包住香芋同蕃薯蓉，軟軟糯糯，頗有台式風味，可以淺嘗。
不過波波有點過甜，如果可以少點糖就完美了。
黑松露純素芝士蕃薯條
15 瀏覽
0 讚好
0 留言
黑松露純素芝士蕃薯條 ($68)
係食評見到有網友上載呢款蕃薯條既相，非常吸引，暗自決定一定要點呢樣。
實物果然同相一樣，誘人既金黃色，加上人手切既粗糙感，睇到口水都流埋出黎。🤤
蕃薯條味道天然，入口香甜，可能因為炸既關係甜度比蒸煮的更高。
不過質感冧軟唔脆，食多幾條會覺得漏。而且份量好大碟，食得多容易滯胃，建議4-5個人分享，食小小過下癮。
黑松露芝士醬有點太杰，唔容易沾上，黑松露味好淡，唔鍾意食黑松露既家人都可以接受。
菊花茶
9 瀏覽
0 讚好
0 留言
花茶第一泡已經好淡，性價比低
熱玄米茶
59 瀏覽
0 讚好
0 留言
淡淡茶香
凍伯爵茶
13 瀏覽
0 讚好
0 留言
凍飲好大杯
總體而言：
味道：屬中上水平，冇過多調味，好天然
性價比：合理，小食較貴
服務：職員有禮貌
環境：休閒舒適
張貼
