三家村水產 (已結業)

之前黎親鯉魚門都係食海鮮酒家多，今次黎到見到有呢間新既日本餐廳，裝修得幾靚，又有魚缸養住啲魚，感覺唔錯，所以就改左黎呢間餐廳一試。首先叫左個季節刺身特上選拼盤，$388有六款刺身，每款兩片，全部質素都ok，唔會話超級上乘，但絕對對得住個價錢特別鐘意深海池魚同帶子馬友一夜干，$328，係經理推薦既，真心超好食原條馬友份量十足，可能三至四人share 會較好～睇番menu 個介紹，一夜干即係新鮮漁獲處理同浸泡鹽水後，風乾而成，個時睇完之後第一下諗「好似鹹魚喎，得唔得架？」，但食落口完全唔同，呢條馬友既魚肉有彈性得黎保留燒得剛好既細潤，加上宜家係馬友當造既季節，魚脂豐腴，味道鮮美，簡單調味既做法已經食得出馬友既滋味魚脂比較豐富既緣故，食到最後或多或少會有些少膩感，個時就可以將魚肉輕蘸酸汁再食用，頓覺清爽不少！全晚最鐘意係呢個，強烈推薦！鰻魚飯，$198，份量看似少，食起上黎都幾飽下，鰻魚相當肥美，不錯燒福岡系島蠔，$68，有8隻蠔，相當抵食！燒得唔錯，蠔身都幾飽滿，可惜蠔味比較淡，所以口感一流但味道略為失色～江户前天婦羅拼盤，$178，難得係香港食到質素唔錯既天婦羅食起來唔會成口油味呢點，已