戀茶舍 (兼善里) (已結業)

係深水埗食完茶記有啲口渴，就行左去長沙灣搵野飲。最年香港開左好多台式飲品店，有好多都未試過，每一間都各有特色，今日就試下戀茶舍！一去到見到好多人排隊，門口貼左啲poster推介人氣飲品。我同朋友分別叫左草莓髒髒鮮奶同手打鮮檸綠。部分飲品可以轉熱飲，以及自選甜度，唔中意太甜就可以揀半糖或者微糖。首先介紹草莓髒髒鮮奶，草莓醬係杯邊造出髒髒既效果，賣相滿分！味道方面，因為我本身唔中意太甜，揀左微糖，甜度岩岩好，唔會蓋住草莓既鮮果香味。鮮奶好滑，配上草莓味好開胃😍介紹埋手打鮮檸綠，入面有幾塊新鮮青檸，飲落好清新，酸酸甜甜，而且好大杯，以呢個價錢黎講好抵！如果擔心太酸，建議甜度為少甜。仲有好多人氣推薦飲品想試😍下次再經過長沙灣一定再幫襯🥰