影片
更多
2021-07-13
596 瀏覽
宵夜熱點小甜甜－平時食開灣仔店，今次出旺角突然想食辣嘢就決定嚟試試～強烈推薦麻辣生蠔煲，每隻生蠔都脹卜卜，煮完都唔會縮晒水；麻辣湯底味道恰到好處，配料有青瓜、薯仔、白蘿蔔，煮到腍晒索晒辣汁好鬼正👍🏻原味焗蜆份量多，食晒成兜都冇沙，用青辣椒、蒜、酒、胡椒、鹽調味，味道唔濃烈但突顯蜆肉嘅鮮甜，連湯汁食一隻接一隻轉眼就清晒😋雞絲鵝腸就有啲失望，鵝腸肥膏太多，有啲咬唔爛嘅感覺，少咗爽脆嘅口感，麻辣汁亦唔夠，同灣仔店出品嘅有啲差距。蒜茸炒萵筍絲爽甜；風沙雞翼熱氣但香口；高力豆沙就好似中式嘅梳乎厘，不過豆沙餡好重陳皮味我地就唔太鍾意。最後介紹埋依杯西瓜奶－以前從來冇諗過西瓜同奶可以溝埋，喺小甜甜試過之後就返唔到轉頭，特別天氣熱辣辣又食完辣嘢，飲番杯即刻消暑解辣🍉
強烈推薦麻辣生蠔煲，每隻生蠔都脹卜卜，煮完都唔會縮晒水；麻辣湯底味道恰到好處，配料有青瓜、薯仔、白蘿蔔，煮到腍晒索晒辣汁好鬼正👍🏻
原味焗蜆份量多，食晒成兜都冇沙，用青辣椒、蒜、酒、胡椒、鹽調味，味道唔濃烈但突顯蜆肉嘅鮮甜，連湯汁食一隻接一隻轉眼就清晒😋
雞絲鵝腸就有啲失望，鵝腸肥膏太多，有啲咬唔爛嘅感覺，少咗爽脆嘅口感，麻辣汁亦唔夠，同灣仔店出品嘅有啲差距。
蒜茸炒萵筍絲爽甜；風沙雞翼熱氣但香口；高力豆沙就好似中式嘅梳乎厘，不過豆沙餡好重陳皮味我地就唔太鍾意。
最後介紹埋依杯西瓜奶－以前從來冇諗過西瓜同奶可以溝埋，喺小甜甜試過之後就返唔到轉頭，特別天氣熱辣辣又食完辣嘢，飲番杯即刻消暑解辣🍉
張貼
