咕嚕咕嚕 (已結業)

見到IG瘋狂洗版，今日就特別黎到太子去買外賣返屋企食。呢度最出名就係唔同特別口味既雞翼，而當中我最有興趣嘅就係黑糖麥芽糖雞翼，一拎上手，一陣強烈嘅黑糖香氣撲面而來，去到地鐵站，幾乎個個人都望住我袋雞翼🤣味道方面，有好香濃嘅黑糖味，味道亦都相對比較甜。醬汁比較濃稠，牢牢依附係雞翼上，實在唔錯～非常之推介！而佢哋亦都推薦左薯條俾我，我就選擇咗鹹蛋黃味。薯條係粗身既，亦都比較重番薯味，雖然佢有提供鹹蛋黃醬，但係整體味道都覺得比較遜色，覺得唔係太搭配，下次都係食返雞翼比較好！