金鶴拉麵 (九龍城道) (已結業)

終於食到期待咗好耐嘅金鶴拉麵佢地都有幾多食物款式選擇首先要大讚佢地嘅服務態度真係好好店員介紹得好仔細 仲會細心派發圍裙同紮頭髮嘅橡筋我今次只係叫咗普通版嘅雞白湯拉麵見到白雪雪嘅湯底 其實我覺得已經夠曬濃厚好Creamy 我真係飲曬成個湯😂如果真係鐘意更加濃稠嘅口感仲有極濃版本上面嘅炸牛蒡絲好脆好香口拉麵裡面有慢煮雞胸同叉燒 都好淋好嫩滑🤤超級推介！而朋友叫嘅係辛味拉麵 佢就話覺得辣味好香濃 唐揚炸雞小食就炸得非常香脆 但稍微覺得乾咗少少 整體都算好食