影片
更多
2020-04-29
863 瀏覽
推薦 高質日式燒肉店Prime Beef Platter牛繁三點盛合Rib Karubi壺漬牛肋條Australian Wagyu澳洲和牛Rice with Soft Boiled Kirishima Egg大人氣！牛繁温泉卵丼一間高質日式燒肉餐廳，燒肉好食，環境舒適，服務態度好，非常值得推界。餐廳內有儲物櫃供客人放私人物品，客人可以輕便啲，又唔怕手袋、文件有油煙味；入座後有條圍裙，著白色衫都唔驚會整污糟，又有抽油煙管，好貼心。餐廳用嘅唔係鐵板，而係細細個烤爐，有啲似燒串燒嘅爐，因為體積細，唔可以一次過燒好多片肉，所以兩個人用一個。其實呢個設計都幾好，「燒啲食啲」就品嚐到啱啱燒好嘅燒肉最好食嘅味道，唔會凍哂先食。牛繁三點盛合有上級牛五花、中落牛肋肉同特上澳洲胸腹肉。個人認為胸腹肉最好食，好有牛味且醃料好入味，咬落有肉汁；牛五花唔算肥亦唔係好薄好薄，有少少口感得嚟又做到入口即溶；牛肋肉都好食但冇前面兩樣出色，醃料入味，肉質比胸腹肉韌少少。壺漬牛肋條有兩條牛肋肉，醃汁有少少甜味，調味淡，味道唔出，不過牛肋肉食落鬆軟唔會韌，適量咬口。牛繁温泉丼當然係用珍珠米，飯上有一隻温泉蛋，鋪滿海苔絲同飯
22 瀏覽
0 讚好
0 留言
Prime Beef Platter
牛繁三點盛合
牛繁三點盛合
39 瀏覽
0 讚好
0 留言
Rib Karubi
壺漬牛肋條
壺漬牛肋條
13 瀏覽
0 讚好
0 留言
Australian Wagyu
澳洲和牛
澳洲和牛
25 瀏覽
0 讚好
0 留言
Rice with Soft Boiled Kirishima Egg
大人氣！牛繁温泉卵丼
大人氣！牛繁温泉卵丼
26 瀏覽
0 讚好
0 留言
一間高質日式燒肉餐廳，燒肉好食，環境舒適，服務態度好，非常值得推界。餐廳內有儲物櫃供客人放私人物品，客人可以輕便啲，又唔怕手袋、文件有油煙味；入座後有條圍裙，著白色衫都唔驚會整污糟，又有抽油煙管，好貼心。
餐廳用嘅唔係鐵板，而係細細個烤爐，有啲似燒串燒嘅爐，因為體積細，唔可以一次過燒好多片肉，所以兩個人用一個。其實呢個設計都幾好，「燒啲食啲」就品嚐到啱啱燒好嘅燒肉最好食嘅味道，唔會凍哂先食。
牛繁三點盛合有上級牛五花、中落牛肋肉同特上澳洲胸腹肉。個人認為胸腹肉最好食，好有牛味且醃料好入味，咬落有肉汁；牛五花唔算肥亦唔係好薄好薄，有少少口感得嚟又做到入口即溶；牛肋肉都好食但冇前面兩樣出色，醃料入味，肉質比胸腹肉韌少少。
壺漬牛肋條有兩條牛肋肉，醃汁有少少甜味，調味淡，味道唔出，不過牛肋肉食落鬆軟唔會韌，適量咬口。
牛繁温泉丼當然係用珍珠米，飯上有一隻温泉蛋，鋪滿海苔絲同飯素，撈勻蛋汁後好好食，香口開胃，配埋燒肉一齊食真係正到爆！（寫到好想即刻去食返餐）
以後想食日式燒肉不妨試下呢間啊！
張貼
