Moon Thai (已結業)

MOON THAI 已經食過三次，次次都勁好味又坐得舒服！lunch係半自助餐形式，疫情關係變咗一兜兜上啲小食，有生菜包、鳳爪、冬蔭功湯同炸蛋沙律（之前仲多選擇，仲有糖水、水果同紫菜湯等）。（補充：後來再去又變返出去夾嘢食嘅自助形式）叫咗一個主菜「咖哩炒軟殼蟹」share，唔辣，超香，配埋法包冇得頂。本身對春卷冇咩期望，但新鮮炸起，入面有胡椒同粉絲，又好好味。我哋一個要自助沙律吧，一個要自助沙律吧配精選主菜，兩個都包嘢飲，要咗泰式奶茶，冇嘢可以挑剔！