茶餐廳2.0 (已結業)

黄大仙開咗越嚟越多的食肆，大多數都喺地鐵站上蓋商場。今日先發現，原來地鐵站行過少少，有間高質素嘅茶餐廳！餐廳環境乾淨舒適，而且唔會好似商場食店咁多人，感覺悠閑自在，同啲朋友傾計坐多陣都唔怕🙂服務員嘅態度有禮，食物亦都唔洗等好耐先到，而且款式多，食物的性價比好高👍今晚最想推介嘅係「特級T骨牛扒」，因為實在太好食，我哋雖然食到好飽，但最後都決定叫多一碟（走薯菜）大家share食😋佢嘅T骨牛扒真係好大塊，一眼望落去，覺得一定食唔晒。但一食就停唔到，佢嘅肉質好嫩，而且味道調較得很好👍仲有佢嘅薯菜，真係巨size,見到都吸引😍亦相當好食！其他食物都好好食，但至愛都係個「特級T骨扒」！