影片
更多
2023-12-22
185 瀏覽
呀媽生日,即日先話想打邊爐..諗住尖沙咀,點知果間full book,簡緊幾間..見呢間都多人讚,膽粗粗試下. 得！無失望！有驚喜！晏就4點9打去,見佢地5點先開門,響左幾下電話諗住收線之際..成功booked. 叫我準時.早左10鐘去到,見到未算太多人,環境又算靜..一心諗伏伏地. 最後當然意外地一定要寫好評去讚👍職員安排到卡位,1號台,都幾闊落,最尾位,又靜又坐得舒服,唔同出面打邊爐果d嘈吱巴閉.因為有煲食評,所以一入座就同職員講要加海鮮船. 有野食,有個大隻既肥哥哥見我地張台叫得比較進取,所以好醒目咁開多張台俾我地(咁岩果張台係有空間可以咁setting,其他brother唔好睇完就咁要求人照開台)寫出黎因為真心要讚兩位男職員同最後收銀美女…態度好服務有海鮮堅新鮮,食食下送既和牛盤(失策,食到一半先記得補返張相)預設9點10離座,收銀美女9點半先埋黎收錢同溫馨提示,真心好過出面果d…出面既餐廳係你進食得如火如荼,馬大個口咬緊落去既時候,掉張單俾你企定隔離,係都要等你拎卡出黎先肯去下張台食得開心又好味,最後仲兩杯雪糕個場係我地入座後,極速滿座…終於明點解職員叫我要準時到. 以往兆萬
諗住尖沙咀,點知果間full book,簡緊幾間..見呢間都多人讚,膽粗粗試下.
得！無失望！有驚喜！
晏就4點9打去,見佢地5點先開門,響左幾下電話諗住收線之際..成功booked. 叫我準時.
早左10鐘去到,見到未算太多人,環境又算靜..一心諗伏伏地.
最後當然意外地一定要寫好評去讚👍
職員安排到卡位,1號台,都幾闊落,最尾位,又靜又坐得舒服,唔同出面打邊爐果d嘈吱巴閉.
因為有煲食評,所以一入座就同職員講要加海鮮船.
有野食,有個大隻既肥哥哥見我地張台叫得比較進取,所以好醒目咁開多張台俾我地(咁岩果張台係有空間可以咁setting,其他brother唔好睇完就咁要求人照開台)
寫出黎因為真心要讚兩位男職員同最後收銀美女…態度好服務有
海鮮堅新鮮,食食下送既和牛盤(失策,食到一半先記得補返張相)
預設9點10離座,收銀美女9點半先埋黎收錢同溫馨提示,真心好過出面果d…出面既餐廳係你進食得如火如荼,馬大個口咬緊落去既時候,掉張單俾你企定隔離,係都要等你拎卡出黎先肯去下張台
食得開心又好味,最後仲兩杯雪糕
個場係我地入座後,極速滿座…終於明點解職員叫我要準時到.
以往兆萬果幢野係伏伏地,但呢間真心唔伏,brother們可以一試.
利申: 我唔食牛,但媽媽同妹食左話好食.
我真心推海鮮船同墨魚蘇🤤
海鮮船
16 瀏覽
1 讚好
0 留言
和牛拼盤
22 瀏覽
0 讚好
0 留言
張貼
