影片
更多
2022-11-12
216 瀏覽
爸爸出名饞嘴，鍾意食好西，限時喜歡周圍飲茶，最近話想去佐敦 不倒翁中日火鍋料理 食火鍋，佢話試過質素好好。我都聽過不倒翁高質，特選新鮮食材美鐉，主打用心熬製嘅湯底，最近天氣涼涼哋，好有深秋嘅感覺，一於週末陪佢撐枱腳，去食個火鍋配不倒翁靚牛肉啊！果然有驚喜。火鍋 2人套餐 $980餐廳上至經理下至服務員都一樣好好禮貌，服務殷勤，卡位闊落有空間感，裝修充滿中式傳統風格，店長推介了招牌菜式，所有特色我都好想食，散叫份量實在太大，所以最後我哋決定火鍋 2人套餐 ，可以一次過食晒不倒翁金牌手切肥牛、招牌龍躉片、自家製水餃皇、生猛花竹蝦⋯等，食得好開懷！日式魚生拼盆 一碟日式魚生拼盆有齊吞拿魚、希靈魚、北寄貝，爽口又彈牙，肉質夠鮮甜美味。瑤柱白粥鍋好少見到粥底火鍋，軟綿綿又滑的瑤柱白粥鍋，配搭不倒翁唔同嘅靚海鮮，一於品嚐下食物的原汁原味。配上獨特調配嘅麻辣醬汁及醬油，令到食物特別惹味，入口特別過癮。生猛蟶子拍得住頂級蟶子皇，厚肉又彈牙，入口無沙，味道好鮮甜。金牌手切肥牛肉果然係金牌，手切肥牛肉油花滿滿，入口甘香，高質火鍋必備。肥牛雪花豐富，油花分佈均勻，肉質細緻，肉色紅潤，感受到接近入口即溶！鎮
我都聽過不倒翁高質，特選新鮮食材美鐉，主打用心熬製嘅湯底，最近天氣涼涼哋，好有深秋嘅感覺，一於週末陪佢撐枱腳，去食個火鍋配不倒翁靚牛肉啊！果然有驚喜。
火鍋 2人套餐 $980
餐廳上至經理下至服務員都一樣好好禮貌，服務殷勤，卡位闊落有空間感，裝修充滿中式傳統風格，店長推介了招牌菜式，所有特色我都好想食，散叫份量實在太大，所以最後我哋決定火鍋 2人套餐 ，可以一次過食晒不倒翁金牌手切肥牛、招牌龍躉片、自家製水餃皇、生猛花竹蝦⋯等，食得好開懷！
日式魚生拼盆
一碟日式魚生拼盆有齊吞拿魚、希靈魚、北寄貝，爽口又彈牙，肉質夠鮮甜美味。
瑤柱白粥鍋
好少見到粥底火鍋，軟綿綿又滑的瑤柱白粥鍋，配搭不倒翁唔同嘅靚海鮮，一於品嚐下食物的原汁原味。
配上獨特調配嘅麻辣醬汁及醬油，令到食物特別惹味，入口特別過癮。
生猛蟶子
拍得住頂級蟶子皇，厚肉又彈牙，入口無沙，味道好鮮甜。
金牌手切肥牛肉
果然係金牌，手切肥牛肉油花滿滿，入口甘香，高質火鍋必備。
肥牛雪花豐富，油花分佈均勻，肉質細緻，肉色紅潤，感受到接近入口即溶！
鎮店水餃皇
鎮店之寶，真材實料，超級勁大粒，非常飽滿，咬開遊原隻大蝦，新鮮熱辣好味道。
新鮮配料
鴕鳥肉：刁鑽又高質，軟滑無渣嘅鴕鳥肉，結實冇乜肥肉，慢慢嘆！
墨魚滑：口感比一般墨魚丸更爽口，味道濃郁，極具新鮮口感。
炸魚皮：新鮮熱辣，咬落入口酥脆，好正！
手打四寶丸：師傅手打肉質有保證，結實爽嫩多汁，蝦丸非常甘香。牛肉丸肉質結實又爽彈。全部都食得出係揀手靚貨，鮮味至極了！
敬送竹蔗水
火鍋如果怕熱氣仲可以飲番杯竹蔗水，消暑解渴。
甜品
最後每人送咗兩件凍糕作為甜品，很完美的一餐。
邊爐迷千祈唔好錯過不倒翁，轉天氣最啱食火鍋，無論海鮮、刺身或配靚牛，全部都係優質、時令食材，令人垂涎欲滴，食指大動，下次再來幫襯！
張貼
