Ulyssa by Aldou (已結業)

已經準備食聖誕節大餐，荔枝角d2 place影完相，可以去附近的工廈食。呢到既私人度都幾高，所以去呢到。Dinner Set $398 四式拼盤小食有果醋車尼茄，金沙軟殼蟹，海膽凍豆腐， 巴馬火腿提子芝士卷。一開頭食左車尼茄配果醋，酸酸甜甜，又好凍，好開胃。海膽豆腐，炸豆腐外脆內軟，但海膽比較少。金沙軟殼蟹配自家蛋黃醬。巴馬火腿提子芝士幾突別，咸咸地既芝士充滿你個口。之後黎左餐包，好似印度d薄餅😂個南瓜濃湯好讚，好濃厚。澳洲8安士西冷扒配燒汁 5成熟，好有誠意！西冷牛味好濃又軟！勁厚切，配菜又有秋葵，薯蓉，仲有番薯條。溫泉蛋卡邦尼意粉有芝士脆同火腿焗乾脆片，我將佢整碎再拌麵，味道香濃，但可再creamy d。美中不足是野飲種類很多，但要加$$為主，叫左杯$8泰式奶茶，估不到又真係泰國feel！見到有好多人叫左支酒飲，好chill，兩個人$500左右，提早食大餐。