叙滿庭 (已結業)

同媽媽提早慶祝母親節，放工後去左佢公司附近既敘滿庭食飯，餐桌具以木製造，環境好中國風，幾舒適，不錯。首先點了皮蛋豆腐作前菜，豆腐切片，搭配皮蛋味道清新可口，但個人認為調味略咸。雞絲粉皮- 雞絲，青瓜同粉皮份量配搭得宜，粉皮爽滑，雞絲嫩滑，青瓜絲夠哂清新，加入大量麻醬，食完非常開胃。黎到京川滬菜館，當然要食主打名菜-片皮鴨，片皮鴨無咩肥膏，肉質嫩口，但鴨皮唔太脆，不過點了半份有成16件鴨左右，自己配上青瓜，京蔥同醬料，有得玩有得食，超值！最後叫了清湯既招牌叙滿鍋, 材料意想不到禁豐富, 有薯粉, 雲耳、菇菌、大豆芽菜等配茶，4個人食半條魚已經足夠。魚身略煎過，所以外皮香口，魚肉嫩滑，放湯前店家已經簿切魚肉, 方便食用。最後配菜吸收左魚湯既鮮，非常美味。