龍門金閣海鮮酒家

營業中

休息中

為咗氹老人家開心，我哋決定將父親節同母親節一齊慶祝～餐廳方面都係想以中菜為主！我屋企人就好得意，出去食飯阿媽永遠都係會講＂點啲屋企煮唔到嘅嘢＂(皆因佢都係廚藝高手😎✌🏻🤣)為咗滿足佢哋，呢一餐真係費盡心思🤣＂懷舊叫化雞＂方法好特別，要用錘仔卜開d荷葉皮！外表平平無奇但一打開已經香氣撲鼻🤤金黃色嘅嫩滑雞肉，配合紅棗、冬菇、木耳等等嘅配料底下層次豐富。係一個相當需要技巧嘅菜式！呢碟外脆內軟＂脆皮炸大腸＂真係必點！咬落勁香口而且又唔會多肥膏！超正！＂生炒臘味糯米飯＂有人話最高境界嘅生炒糯米飯係可以粒粒分明，食落嗰種油香係平均分佈滿每一粒飯粒，鹹度適中。呢個糯米飯正正係我食過最好食嘅糯米飯！呢一條＂清蒸忘不了魚＂係鎮店之寶，雖然係河魚但係冇泥味，而且魚肉肉質好有彈性，幾乎係每一台必點之選。最後嘅甜品以綠豆沙結尾，係呢啲咁熱天氣，綠豆沙正正可以下火，長輩都非常滿意呢一餐🤤💓