壽司郎 (瓊華中心)

營業中

休息中

疫情對壽司郎好似完全冇影響咁，日日食飯時間都係好多人排隊，根本番工lunch想堂食都冇乜機會，好彩有同事11點要去銀行叫佢去攞飛，我地12點半先有得食。講番壽司質素真係算唔錯，當然例如拖羅嗰啲你唔好攞高級壽司店嚟比啦，呢度啲拖羅件件都有筋，我係指平價迴轉壽司嗰啲元x，爭x，相對嚟講壽司郎係贏晒，食材新鮮選擇又多，可以用ipad落完單就等火車送嚟，小朋友實鍾意，所以當日都見到唔少家長帶埋小朋友嚟食。如果要排隊等個幾兩個鐘我唔會再嚟食，但出開去可以提早拎飛，就一定會再幫襯！