彩龍茶樓

營業中

休息中

鑒於嚟緊要出差，所以唯有提前幫媽媽慶祝母親節，佢哋老人家最鍾意去飲茶，所以同咗媽媽去佢最鍾意嘅茶樓，嘢食唔係話非常特別，而係就非常特色，人情味濃，環境相當簡樸，亦都好有大排檔嘅感覺，就係呢種感覺而家買少見少～ 嚟飲茶叫嘅都係王牌，蝦餃燒賣一定走唔甩，再嚟就係我最愛嘅鳳爪排骨, 老人家就會覺得鳳爪排骨飯係最抵，而我都係編好淨係食餸，哈哈，佢哋嘅排骨唔會太肥，而且好鬆軟，呢個我覺得係做得唔錯，最後仲叫多咗碟鯪魚球。鍾意佢哋呢度懷舊嘅感覺，淨係睇呢堆嘅可樂，都已經相當值得打卡，希望你哋可以開分店啦，加油😘