火赤

營業中

休息中

人生就係一場未知嘅冒險！人一世物一世咩都要試🥸 第一次挑戰稀有部位提燈，感覺良好！開放式廚房，有吧枱位，師傅會喺面前即叫即燒。六色調味盤有咖喱、抹茶、柚子、七味粉等等唔同口味，加上串燒有自己獨有嘅調味，食到最後都唔會覺得單調。✨鱈魚乾 脆卜卜口感！✨食道 🥰推薦！有嚼勁，非常彈牙，加埋醬汁甜甜地幾好食。✨雞胸骨中間有一層軟骨，感覺似巨型版雞軟骨。✨提燈 🥰推薦！提燈初體驗，外型的確好似一盞提起嘅燈籠，其實係雞嘅卵巢同未孵化嘅雞蛋。一咬落去係流心蛋液喺口腔中爆發，加埋少少雞肉嘅味道，幾特別嘅體驗，值得試試！✨糯米雞肉棒 🥰🥰推薦！外層類似脆脆嘅飯焦，炭香味十足，咬落去啖啖熱辣辣嘅雞肉，味道同層次出色！✨水牛芝士煙肉卷煙肉油香滿滿，包住一嚿鹹鹹香香嘅水牛芝士，對於我嚟講就較膩🐒✨燒飯團 🥰外層焦香滿溢，有啖淡醬油香氣，可以連埋紫菜一齊食。✨秋葵·青椒加埋木魚片大大減少咗草青味，秋葵比平時更容易入口。青椒有微微甜🫑，我接受到，但個人比較偏愛秋葵！