影片
更多
2022-12-16
28 瀏覽
#手可以說故事｜我好鍾意留意人嘅手，對陌生人慣性先留意對方雙手，而嗰晚，我就有啲啲畀師傅柔情細膩嘅手握力迷倒。手握壽司，最緊要係對手。而呢雙手仲要識同壽司醋飯交換温柔，掌心温度與力度都會影響飯嘅口感。‑ ‒ – 寿司源，靜靜駐足嘅喺大馬路頭，安靜橫街之中。每次晚上入到元朗，都會隱約見到招牌嘅白光。做過search，「源」背後有食材源頭嘅意思，食物嘅開端意即最初嘅味道。餐廳主打江戶前手握壽司技術，食材大部份都預先調味，所以基本上係醬汁wasabi都唔駛點，即握即食。Omakase入門級別有十二貫握壽司同手卷，另外仲有基本配備嘅前菜、和食同甜品。‑ ‒ – / 前菜．食三品紅酒漬蘿白微微酸，自然爽甜，薯白徑同樣係爽脆清新；絹豆腐配安鱇魚干蓉，豆香醇厚，安鱇魚干咸香係小點綴。另外當造嘅秋刀魚成燒過後油脂豐腴，呈卷形再釀入京大蔥平衡返個油膩感。/ 壽司．手卷前晚時令嘅十二貫包括北海道帆立貝、九洲大分野生真鯛、獅魚、深海池魚、小柱、竹簽魚、北海道深海鱈魚、平目魚、牡丹蝦配燒蝦膏、霜降大拖羅、醋鯖魚同馬糞海膽。部份用上餐廳自家調配嘅酸橘汁，簡單提鮮，入口好清新。當中最深刻係師傅三層厚一切成嘅霜降大
手握壽司，最緊要係對手。而呢雙手仲要識同壽司醋飯交換温柔，掌心温度與力度都會影響飯嘅口感。
‑ ‒ –
寿司源，靜靜駐足嘅喺大馬路頭，安靜橫街之中。每次晚上入到元朗，都會隱約見到招牌嘅白光。
做過search，「源」背後有食材源頭嘅意思，食物嘅開端意即最初嘅味道。餐廳主打江戶前手握壽司技術，食材大部份都預先調味，所以基本上係醬汁wasabi都唔駛點，即握即食。Omakase入門級別有十二貫握壽司同手卷，另外仲有基本配備嘅前菜、和食同甜品。
‑ ‒ –
/ 前菜．食三品
紅酒漬蘿白微微酸，自然爽甜，薯白徑同樣係爽脆清新；絹豆腐配安鱇魚干蓉，豆香醇厚，安鱇魚干咸香係小點綴。另外當造嘅秋刀魚成燒過後油脂豐腴，呈卷形再釀入京大蔥平衡返個油膩感。
/ 壽司．手卷
前晚時令嘅十二貫包括北海道帆立貝、九洲大分野生真鯛、獅魚、深海池魚、小柱、竹簽魚、北海道深海鱈魚、平目魚、牡丹蝦配燒蝦膏、霜降大拖羅、醋鯖魚同馬糞海膽。部份用上餐廳自家調配嘅酸橘汁，簡單提鮮，入口好清新。當中最深刻係師傅三層厚一切成嘅霜降大拖羅以及醋漬鯖魚，前者嘅三層效果令魚肉入口更為嫩滑，肥美香嫩；後者就等同將本身經已好濃郁嘅魚香再tripple up，兩款都係尾段嘅壽司，亦可以話係完全作結。而結尾嘅吞拿魚蓉手卷，紫菜夠脆口，唔係走爆滿路線，吞拿魚蓉份量剛好，套一句話 —— 凡事足夠便好。
/ 甜品
紅豆善哉立馬就令我想念起日本嘅冬天，喺街頭一碗熱騰騰嘅紅豆甜湯，軟糯團子，so warm so good。整體唔會太甜（調較過貼近香港人健康口味），加上有小小一串佐賀草莓，夠解甜。
張貼
