ZipZip

營業中

休息中

屋企人足足病咗成個月，呢排先開始好返啲得閒出嚟同朋友食晚飯，見到有間裝修十分有特色玩味十足嘅餐廳當然叫埋好朋友一齊嚟試下啦。✨🐔手撕雞（明太子）分別有三種口味俾你揀，明太子，山葵明太子，黑松露手撕雞原來係用慢煮既，唔怪得食嘅時候雞肉咁嫩滑。✨🦐大蝦鮮茄海鮮意大利飯朋友同我一致認同呢個飯好好食，雖然呢款係意大利飯，但係食落唔係濕濕地嗰種意大利飯，蝦夠大夠彈牙，雖然顏色望落好似冇乜用番茄煮咁，但食落味道調校得啱啱好。✨🥚可能會失望溫泉蛋明太子意大利麵呢款要趁熱食，因為唔算有好多汁，意大利麵夠晒彈牙，完全冇失望到喎。Drink✨豆腐，豆腐，豆腐咖啡人氣之選，豆腐花配上豆腐雪糕，再用咖啡做底，配搭得好好。✨提拉米蘇聽過未咖啡味濃，好似食緊Tiramisu甜品咁😀Dessert🧁特別之處，佢個甜品係random？？唔會知道係咩，寫明～今日咩心情～幾搞鬼😈黎到原來係柚子檸檬Cake，酸酸甜甜咁幾好食，做最尾嘅總結。入到餐廳見到咁靚嘅擺設同裝修，食餐飯都開心啲，而且店員服務好好，下次再試吓佢哋嘅午餐。