麻辣媽媽 (已結業)

無黎一排，搬咗都唔知，好在小妹聰明，明知要等位，所以一早打電話訂枱，先知原來搬咗去恆豐酒店後面既德興街。早排唔舒服無得食辣，個心成日囉囉攣，呢排見好返D即刻約班FRIEND黎麻辣一下，搬咗新舖地方比以前大，光猛咗，感覺好舒服。對我地食客黎講梗係VERY GOOD，以前要等位，真係等到花兒也謝了。口水雞，毛血旺，辣子軟瞉蟹，麻辣田雞煲，樟茶鴨，川北涼粉，水煮桂花魚，全部係我必叫之選，自問都食得辣既我，諗住咁耐無食，嘗試越級挑戰，叫咗大辣，救命呀﹗食到我地個個流晒汗，飲埋青檸樹都免強降溫。唔怪得有其他食客話食辣死會無晒感覺，只係食到辣味。今次知衰下次自己醒水，唔食得就唔好免強，免強係無幸福。食物味道仍然保持水準，地方舒服咗，又唔洗等位，我以後都會成日黎。