貢茶 (福華街) (已結業)

又係深水埗電腦節嘅日子! 不過因為唔想同人迫, 都係等完左先去, 一樣有平野執!掃完平貨出嚟, 想去 “貢茶” 買杯野飲, 點知見到間 “舊舖” 裝修緊!點解叫佢做 “舊舖” 呢! 原來係搬左去隔離兩個單位!唔使多講, 更係要買杯我嘅至愛 “珍珠奶茶”.最原始及正宗嘅珍珠奶茶的確保持水準!第一口是最 “正” 的, 茶味濃郁! 奶同茶嘅份量啱啱好! 珍珠依然咁彈牙!新舖大左好多之餘, 仲多左間 “豪大大雞排”, 真係識做生意!難怪門口比以前更加多人!不過可能間舖大左, 工作都比較流暢, 雖然排隊嘅人多左, 但係等候嘅時間就比以前 “舊舖” 仲快左好多!既然唔使等好耐, 就試吓佢地嘅炸雞排先!等左五分鐘就有得食, 拎上手已經香味撲鼻!炸粉薄而脆! 雞肉嫩滑! 真係值得一試!可惜已經太飽, 仲有其他嘅炸物都試唔到!總括 “貢茶” 搬左新舖真係好好多!地方大左, 等候時間又快左!