鳥海山鐵板燒

營業中

休息中

深水埗呢間鐵板燒性價比高，千零蚊嘅鳥海山鐵板二人套餐，竟然有齊龍蝦、鮑魚、鵝肝食，選料新鮮上乘，仲可以一邊睇住師傅精湛嘅廚藝。是日精選刺身、沙律四款時令刺身，分別有深海池魚、金目鯛、油甘魚同真鯛，每款都有額外嘅調味料點綴，我最鍾意油甘魚配搭柚子鹽嘅組合。活龍蝦師傅活用咗龍蝦膏作為醬汁，為爽彈厚實嘅龍蝦肉增添鮮味，龍蝦頭內仲有大量嘅肉，唔怕麻煩嘅一定要拆開埋嚟食！活鮑魚大大隻嘅鮑魚切片，再用牛油去炒，食落更加惹味，口感嫩滑中帶點Q彈，唔會韌到咬唔開。鵝肝多士厚厚嘅鵝肝夠晒肥美，外面金黃香脆入面軟滑入口即溶，配搭香脆嘅多士減低咗整體嘅油膩感。牛肉薄燒咁薄嘅牛肉好考師傅火候嘅掌控，牛肉可以保持嫩滑多汁，絕對要稱讚師傅嘅功力。野菜炒飯、味增湯食到最後仲有櫻花蝦炒飯同麵豉湯，熱辣辣即炒嘅炒飯粒粒分明，有豐富嘅櫻花蝦香味。