公車泰國餐廳

營業中

休息中

我同我老公都好鍾意食海鮮，同事介紹我哋去元朗嘅公車泰國餐廳食，同事話佢哋嘅海鮮好好食，仲好有泰國風味，鍾意食海鮮同泰國菜嘅我哋就決定今日下午去試吓。餐廳入面嘅裝潢好有泰國風格，好似自己身處泰國食午餐，餐廳入面香味四溢，激起咗我哋嘅食慾。我哋分別叫咗三種唔同嘅海鮮，每種海鮮都非常好食，推薦俾大家。🩷泰式生蝦蝦仲保持住冰凍嘅狀態，非常新鮮。配埋佢哋餐廳嘅特製醬料，非常開胃，味道口感都更上一層樓。酸辣嘅醬汁同鮮嫩嘅蝦肉，十分滿意。🩷泰式鹽燒烏頭魚成條烏頭魚香味撲鼻，外皮酥脆，魚肉鮮嫩多汁，仲有少少焦香味，配料令成條烏頭魚嘅味道更加豐富，酸甜可口仲帶有鹹味，非常好食。🩷蒜爆鮮海蝦好有泰國風味嘅一道菜，海蝦嘅口感非常嫩滑，好有嚼勁，食落去仲散發住濃郁嘅蒜味，辣味十足，但又唔會太辣，真係好好味。