妖怪 (已結業)

疫情關係，已經好耐冇得去日本🇯🇵喇😢 對上嗰次去，喺築地附近食咗間居酒屋，當中嘅刺身同埋串燒都令我念念不忘。知道妖怪嘅總廚係嚟自九州嘅大隈啓史，曾經喺擁有多間米芝蓮星級食府嘅日本著名飲食集團工作之後，決定拉埋朋友過嚟嘗試尋找令我懷念嘅味道‼️三五知己食日本菜，嗌啲串燒就最適合不過🥳 燒雞腎配上麻油大蔥汁，滋味無比😋 燒雞頸同燒雞翼外皮微脆但入口仍非常juicy😳 燒免治雞肉配上日本蛋汁，入口creamy濃濃蛋香，頓時覺得好幸福🥰 呢度嘅燒雞肉真係特別出色！真花魚蘋果木煙燻特上大拖羅 (5切) 一上枱職員會喺我哋面前打開蓋，隨即標晒煙咁非常華麗。呢個拖羅真係好味到形容唔到，入口即溶魚脂豐富，煙燻炙燒令其油香爆棚！🤤💦