宏發燒臘飯店 (已結業)

話說好耐都冇食燒味啦，今日趕住做嘢，喺附近咗個燒味晚餐。由於一支公，梗係享受一個人的浪漫。叫咗個燒味餐黎食。估唔到咁好食，真係物超所值。叫左個燒腩肉乳豬飯。腩肉真係好香滑，肉質唔乾，仲保留住入邊既水份，而且個味好香，唔會太鹹，因為成日食既燒腩肉都係好乾好乾，而且好鹹，但呢度既腩肉係我食過最好食既腩肉！啲肉嘅質感好滑好好味。乳豬一入口又唔會太油，之前都好驚食燒味飯係因為好多餐廳既乳豬都好油膩，食完有陣豬油味係個口到，但呢度嘅乳豬整得岩岩好，而且份量都多，啱晒我呀！食完一碟已經好飽好滿足！完全估唔到呢間燒味係咁好味架！食咗咁多間燒味，我諗呢間真係可以真正代表香港嘅真燒味！下次午餐想食燒味，一定會再嚟呢度食。