金記冰室 (霎東街) (已結業)

最近係團購網站睇到依間金記冰室，介紹係主打懷舊風格，有成52年歷史，而且多分店選擇，好耐都未食過冰室了，所以就一於膽粗粗買左2張團購現金券去試試。 餐牌整得好靚，圖文並茂，好吸引，真係好難揀得落手，最後我同朋友一人叫左一款，可以2份Share，一次過試曬2款不同口味! 咖喱牛腩飯牛腩同牛筋分配比例，牛筋軟滑，不過略厭牛腩比較韌，亦痴牙，辣味適中，但係食唔出咖喱獨有的香濃味道，亦無香港普遍咖喱有既棷奶味，唔係我杯茶，有D失望。 鮮茄濃汁焗豬扒飯依款焗飯有驚喜，豬扒好細心幫客人切開，亦去左骨，啖啖肉，食過好爽又方便，飯面芝士好多，而且茄汁足夠，撈埋炒飯底食，好。不過食完好口喝，所以一定要飲野先得。 金記冰室出品分量十足，但食物味道一般，試過就算了，唔會刻意再黎了~