Si Simply Italian (已結業)

今日上午去完港澳碼頭做完嘢，知道晏晝唔太多野做，即刻約閨蜜食個靚lunch! 由於佢做左媽媽之後，除了工作，好多時間都放曬比bb同屋企人，每次見個面見一陣就要走🙃！我真的太掛念佢所以把握午飯時間都要同佢聚一聚❤️上OpenRice 喺佢公司附近搵左幾間餐廳，呢間我地都冇食過，咁於是就book 左呢間。餐廳位置都非常方便就腳，喺地鐵站D1出囗行幾步就到！坐底後睇下個Menu, 啲Set Lunch都幾多選擇同特別！頭盤叫左意大利風乾牛肉合桃配火箭菜沙律同埋水牛芝士配黑橄欖車厘茄沙律Main Course 分別叫左慢煮法國珍珠雞！「珍珠雞」個名好搞笑🤣。同埋香煎8安士日本豬柳！侍應服務很好放了一藍新鮮麵包。麵包新鮮香軟點一點醋和橄欖油好味！意大利風乾牛肉好香好吃！水牛芝士波波配車厘茄配搭清新，水牛芝士波波很可愛。主菜：慢煮珍珠雞肉質超嫩滑又多汁。贊👍🏻 香煎八安士日本豬柳煎得香口，肉厚啖啖肉。非常好吃！Set Lunch 也包括了甜品，香蕉芭菲蛋糕和黑芝麻豆腐慕絲蛋糕。兩款都不錯。可是香蕉芭菲蛋糕可能冷藏太久了。短短一小時就過去了，又要等下次見面了。這餐廳整體很好！下次必定再光顧。