紅椒力量 (已結業)

前幾天跟老公及兩個仔仔去到屯門的Vcity逛逛，行到累了就去左紅椒力量食晚飯。入店的時間大約是6:30都尚未到正常晚飯時間，所以cherry都不用等位就可直接入內。餐牌有各式各樣的美食，價錢都不貴，大多40-50多元就有一款。cherry最後選了4樣，第一款是哥哥所選的正宗馬來雞翼喇沙米線($48)。雞翼很香口入味，哥哥呢個雞翼王超喜歡~~而喇沙湯底味道很香濃，cherry覺得好味。第二款是泰式炸蝦餅($45/4件)，cherry個人覺得質地唔夠彈牙淋左d，但味道方面算唔錯，細佬佢超喜歡吃，一個人食左2件，要比5分喎~~第3樣是沙爹牛肉串燒($52/6串)，其實除了牛肉外還有豬肉同雞肉，餐牌上規定每一碟只可選一款，但我覺得若果可以同時選擇雞肉同豬肉就更好。牛肉串燒外香肉嫩，加埋個甜甜地的沙爹醬，cherry一個人都食左3串呢，正喔~~第4樣是泰式海鮮炒金邊粉($52)，這個海鮮方面不算太多，而味道方面是酸酸甜甜有點微微的辣，入口覺得本身味道是不錯但略為覺得味道較淡，若可以濃一點更好。最後還點了3杯飲品埋單才$263(免加一)，不需300元就一家人食到超飽，堅抵~~