新意客 (已結業)

午餐時間，四圍搵食，同事介紹呢間，1240到已經9成滿，要坐大枱，我叫咗「菠菜吞拿魚天使麵」（$43）我加$8轉墨黑天使麵，午餐連餐湯蒜茸包，我揀羅宋湯，味道幾濃，蔬菜亦多，唔會煲爛晒，可惜飲晒湯蒜茸包先到，包好香脆，蒜茸焗得香，意粉要等半個鐘先到，墨魚麵煙韌，有咬口，雖然菠菜汁個賣相一般，但味道幾香濃，重有好多吞拿魚，合我胃口，中午勁爆，1點後都唔會有位，侍應態度良好，地方略微窄。