鳴虎石頭燒 (已結業)

自從有啟岸巷子，土瓜灣多咗好多嘢食，今次去咗鳴虎石頭燒。呢排有啲熱氣所以無揀燒肉😛蒲燒原條鰻魚飯賣相都幾震撼😛原條上份量都多，搽滿咗鰻魚照燒汁，送飯係一流嘅選擇，鰻魚肉厚彈牙。沙律加咗柚子醬汁，清新開胃。秘製燒雞 可以揀配沙律或薯菜，我哋就揀咗薯菜。燒雞皮脆肉嫩，雞皮燒到脆脆的，咬落去仲非常Juicy~ 加埋醬汁會更加惹味！香草魷魚鬚炸得酥脆香口，爽口彈牙嘅魷魚鬚加咗香草。味道更加特別同埋惹味。飲品方面就揀咗期間限定嘅冰飲～ 台灣金皇芒 & 8424西瓜用鮮果嚟調製！兩款都係清新香甜，帶滿滿嘅果香！