百好素食 (已結業)

今日去開黃大仙求籤, 行過呢間素食門口, 見到有素食點心, 所以順便係度醫肚, 入到去侍應十問九唔應, 檯與檯之間又迫,檯面又無點心紙, 跟著問d侍應點心點樣叫, 佢叫我行入去點心車度拎, 行到去架點心車無晒點心, 諗著等一陣啦, 又見到有食客問d侍應, 比我聽到無架喇! 噢! 因為非常肚餓, 唯有行去門口叫左碟齋鹵味食, 其實都唔知幾錢, 只見卡上寫住6113, 食食下見到menu上寫著60元, 嘩! 呢碟咁既齋60元, 又唔係大碟, 又唔係好食, 只不過係o.k.咁就收人60元一碟, 仲有茶錢大堂6元一位, 而卡位就8元, 再加一服務費, 埋單共79元! 睇怕下次唔會再幫襯, 因為龍翔中心有更多選擇!