影片
更多
2009-03-01
67 瀏覽
今日試o左呢間大排檔, 其實都係因為可能佢地呢幾間排檔不日會清拆所以至嚟。地方老實講預o左屈質, 不過地面真係非常污糟, 而且周度都係人食煙, 真係一個惡劣o既用餐環境。睇到個餐牌無炒野食, 真係想即刻起身走人, 大排檔! 都係出名有鑊氣o既出品, 無炒野食真係「成何體統」?? 不過同行友人真係太好人啦, 話俾次機會佢, 結果都係叫o左個蠔仔粥同埋燒肉紅腸飯。個蠔仔粥中規中矩, 但係絕對唔可以用好o黎形容, 尤其是40蚊連野飲, 無乜蠔仔。個燒肉紅腸飯仲離譜, o的燒肉o既皮唔知點解唔見晒, 同得o個幾舊, 紅腸呢o的急凍野就 no comment 啦... 但係最攞胆係落o左o的怪味汁, 真係落葱油同豉油好過, o的飯都太腍, 個人覺得非常難食。我地成日話要保留香港特色, 大排檔係其中之一, 但係以咁o既水準同埋無誠意o既出品......
地方老實講預o左屈質, 不過地面真係非常污糟, 而且周度都係人食煙, 真係一個惡劣o既用餐環境。
睇到個餐牌無炒野食, 真係想即刻起身走人, 大排檔! 都係出名有鑊氣o既出品, 無炒野食真係「成何體統」?? 不過同行友人真係太好人啦, 話俾次機會佢, 結果都係叫o左個蠔仔粥同埋燒肉紅腸飯。
個蠔仔粥中規中矩, 但係絕對唔可以用好o黎形容, 尤其是40蚊連野飲, 無乜蠔仔。
個燒肉紅腸飯仲離譜, o的燒肉o既皮唔知點解唔見晒, 同得o個幾舊, 紅腸呢o的急凍野就 no comment 啦... 但係最攞胆係落o左o的怪味汁, 真係落葱油同豉油好過, o的飯都太腍, 個人覺得非常難食。
我地成日話要保留香港特色, 大排檔係其中之一, 但係以咁o既水準同埋無誠意o既出品......
張貼