影片
更多
2016-03-11
1949 瀏覽
每個月都總有一次會同家族一齊Gathering，呢日就一齊嚟小肥牛，呢到除咗有火鍋食之外，亦有九層塔，不過就要預先晌Book枱個陣訂定。由於我地有10個人，去到比咗間大房我地，雖然打咗成晚邊爐，但通風系統唔錯，無成陣味。話明九層塔，的確有9層，最上層為沙蜆、第2層為花蛤公、第3層馬刀貝、第4層鮮元貝、第5層沙巴肉、第6層波士頓龍蝦、第7層什蟹仔、第8層鮑魚、最後為太平洋海螺鍋，每個九層塔$988建議4位用。一開始嚟到時放咗個溫度計，大約等10~15分鐘，當個溫度計達97度先有得食，食的次序由上而下。最上層的沙蜆，鮮味度佳，不過部份有沙，大約每人吃到3~4隻。花蛤公似係大的蜆，鮮味不及沙蜆，有點韌韌地，靠自己食個陣自行落調味料調味。之後係馬刀貝，肉尚算大大粒，有咬感。搶食到第4層鮮元貝，岩岩好每人一隻唔洗爭啦! 元貝肉易起，不過就唔稱得上算大粒，入口軟腍但Juicy度一般。沙巴肉即係魚，味道最唔錯，爽身鮮味。跟住係波士頓龍蝦，食得比較麻煩，又無咩肉，好一般般。什蟹仔有2隻，因我地叫咗2個九層塔，超奇怪，一邊係毛蟹，一邊係花蟹，大細唔同，而店員話價錢一樣。蟹又真係殼仲多過肉，比起龍蝦更無咩
由於我地有10個人，去到比咗間大房我地，雖然打咗成晚邊爐，但通風系統唔錯，無成陣味。話明九層塔，的確有9層，最上層為沙蜆、第2層為花蛤公、第3層馬刀貝、第4層鮮元貝、第5層沙巴肉、第6層波士頓龍蝦、第7層什蟹仔、第8層鮑魚、最後為太平洋海螺鍋，每個九層塔$988建議4位用。
一開始嚟到時放咗個溫度計，大約等10~15分鐘，當個溫度計達97度先有得食，食的次序由上而下。
最上層的沙蜆，鮮味度佳，不過部份有沙，大約每人吃到3~4隻。
花蛤公似係大的蜆，鮮味不及沙蜆，有點韌韌地，靠自己食個陣自行落調味料調味。
之後係馬刀貝，肉尚算大大粒，有咬感。
搶食到第4層鮮元貝，岩岩好每人一隻唔洗爭啦!
元貝肉易起，不過就唔稱得上算大粒，入口軟腍但Juicy度一般。
沙巴肉即係魚，味道最唔錯，爽身鮮味。
跟住係波士頓龍蝦，食得比較麻煩，又無咩肉，好一般般。
什蟹仔有2隻，因我地叫咗2個九層塔，超奇怪，一邊係毛蟹，一邊係花蟹，大細唔同，而店員話價錢一樣。蟹又真係殼仲多過肉，比起龍蝦更無咩肉食，又唔鮮味。
尾二個層的鮑魚真係好失望，硬得過份，好似食緊磚頭咁，完全無彈力。
食晒所有最後為太平洋海螺鍋，我哋就點咗唔同的火鍋食物，當打邊爐咁食，其中梗係要試下呢到D牛啦。點咗$128美國雪花肥牛，好薄質感仲有D鞋，真係唔得。10個人食咗$3500幾蚊，都叫食蒸爐的正常價，但整體食物真係好一般，呢個價錢去其他蒸爐店食反而會仲好。
張貼
