La Cafeteria (已結業)

呢間位於錦田嘅cafe開業無耐已經極高人氣🈵佢嘅摩洛哥風環境打卡度1️⃣流，成個cafe都滿佈打卡位，即使天氣熱辣辣都吸引好多人嚟。除咗室外沙漠風位置，室內都有位，而且仲係成個中世紀堡壘風咁，超有feel😻😻Cafe係錦上路站行8分鐘就到，係正紅磚屋市集入面，附近仲有壁畫村，可以嚟個半日遊📷要留意入坐係分幾個時段，每個時段個半鐘，要早啲去留定位先，差唔多時間再返返嚟入坐。每個時段都唔會好多人，啲打卡位可以慢慢影👍🏻👍🏻煙三文魚牛油果沙律擺盤幾靚，煙三文魚同牛油果份量夠多，加上沙律菜同黑醋食好清新😗😗炸雞炸得非常好👏🏻👏🏻熱辣辣超級香脆，調味剛剛好，雞肉唔算好juicy但一啲都唔乾柴，仲有少少脆卜卜嘅炸雞皮，極邪惡😈醬汁係pineapple chilli sauce，酸酸地有啲似泰式辣醬。Capj Soda - Yuzu食完香口嘅炸雞，飲返杯refreshing嘅梳打就爽哂😆人均消費：$120推介指數（10分為滿分）：8.5分