十字冰室 (淘大商場) (已結業)

男朋友喺九龍灣返工，所以我地經常都會係附近食晚餐。徳福啲餐廳食到悶悶地，我地上星期就行左去淘大搵食行行下發現戲院隔離有間幾特別的十字冰室，原來係以十字牛奶做主題架！餐廳裝潢得好摩登而且感覺好年青，門口的餐牌上價錢都好實惠。我地就決定試下食物方面超驚喜！回鍋肉炒意粉個意粉好有火喉，一上枱就已經好香。回鍋肉肉質好鮮嫩，而個汁辣辣地，好惹味！焗椰香咖哩牛肋條飯個焗飯好足料，有好多牛肋條，而且面頭放左唔少椰絲去帶出椰香的味道。咖哩汁嘅濃厚度亦剛剛好。籠仔椒鹽燒賣好特別的小食！好似茶樓咁有個蒸籠放住，但係特別之處係裡頭的燒賣唔係蒸的。椒鹽炸燒賣好香脆，再加上少少辣味，認真過癮。懷舊薯條配松露蛋黃醬好懷舊的感覺。薯條好大條好香脆，配上松露蛋黃醬，勁好味！冰鎮濃滑奶茶奶茶好香滑，冰鎮更加帶出茶味，一路食一路嘆茶都幾享受！美祿山好多美祿粉係到，味道好濃，呢杯真係充滿回憶。咁摩登年青嘅餐廳主打懷舊冰室美食，真係令我地食得好驚喜！我同男朋友都超滿意，絕對會再黎。