Grubers (已結業)

連續通左2日頂做project，今日終於做得七七八八，係時候放鬆一下，約左朋友去德福睇戲，無意中見到戲院隔離開左間漢堡飽快餐店，見到佢做梗promotion: 憑當日電影戲票可以有9折喎，梗係乘機試下，睇吓摩納哥漢堡包咩有咁特別有別於其他嘅快餐店，呢度環境十分舒適闊落，點餐後，拎個電子機放係枱面，就有服務員為你遞上食物呢度係叫set食，價錢比一般嘅貴少少，但勝在自由度高，一個single combo餐，承為$88, 有唔同嘅肉類俾你揀，本身個漢堡係有芝士、蕃茄同埋生菜，你仲可以根據個人口味，加額外配料，我今日就揀咗個松露漢堡，再加埋蘑菇及脆洋蔥，除咗漢堡包，個餐中有薯條同埋嘢飲，我就選擇咗加錢轉鮮榨橙汁，健康啲呀嘛好快,個餐就送咗係你面前啦，一拎起個包嘅時候，心諗點解一啲都唔熱嘅，原來佢個包裝紙係超級隔熱嗰隻，外面係紙嘅質地，但入面係好似錫紙咁，相信擺係度一段長時間，依然做到keep warm 嘅效果，貴野果然唔同啲松露漢堡唔會太重松露味，有松露香得嚟,同時又食到肉嘅鮮味，芝士溶到好似醬咁，正到不得了，加配蘑菇，簡直絕配而今日最有驚喜嘅係佢個薯條，我會形容佢係薯條、薯片、薯角嘅混合體，